Балалар консервілерінің ассортименті мен жіктелуі
Дәріс жоспар:
- Көкөніс және ет-көкөніс консервілерінің ассортименті
- Көкөністерге қойылатын талаптар
Көкөніс және ет-көкөніс консервілерінің ассортименті:
- жасыл бұршақтан, сәбізден, асқабақтан 4 % ас тұзын қосып және езілген томат қосып дайындалған табиғи көкөніс пюресі;
- көкөністің бір түрінен немесе кабачки, асқабақ, сәбіз, шпинаттан сүт, сары май, бидай ұны немесе жарма (манна, күріш), қант және тұз қосылып жасалған аралас көкөніс пюресі;
- картоп, сәбіз, кабачки немесе асқабақ, пияздың әртүрлі қатынасындағы қоспаларынан жасалған суп-пюрелер; жасыл бұршақ, түсті капуста, қызылша, ақ капустаға сүт, сары май, бидай ұны, жарма – манна немесе күріш, томат-пюре және қант қосылған көкөніс суп-пюресі;
- сәбізбен алмаға қант қосылып жасалған; сәбіз, асқабақ және алмадан жасалған; кабачкилер мен шабдалы қосылып жасалған; кабачки мен алмаға тұз, қант, аскорбин қышқылы қосылып жасалған көкөністер мен жемістердің қоспаларының пюресі;
- сиыр бауырынан күріш, картоп немесе сәбіз қосылып дайындалған ет-көкөністі пюре;
- сиыр етінен жасыл бұршақ, түсті капуста немесе кабачки қосылып жасалған ет-көкөністі супы-пюре ачками;
- тауық етінен көкөніс (картоп, сәбіз, пияз, петрушка) қосылып дайындалған суп-пюре;
- кабачки икрасы.
МЕСТ бойынша табиғи көкөніс пюресінде құрғақ заттар төмен болмауы тиіс: сәбіз — 9 %, жасыл бұршақ — 10, асқабақ — 6%. Сүт және жарма қосылғанда көкөніс пюресіндегі майдың мөлшері 4 % кем болмауы тиіс.
Көкөністерді дайындау. Жасыл бұршақты егістік жерінде немесе алғашқылық өңдеу пункттерінде сабағынан бұршақтарды бөліп, алғашқы тазалаудан өткізеді. Бұршақтың дәнін қосымша қоспаларынан тазалайды және флотациялық немесе лабиринтті жуу машиналарында жуады, сосын оны бөгде қоспалары мен зақымдалған дәндерінен тазарту үшін ленталық конвейерде инспекциялайды, одан кейін пісіруге жібереді.
мұздатылған бұршақты қолданғанда оны ленталық конвейерде инспекциялайды және 0,3 мпа қысымдағы сумен шаяды (1 т шикізат үшін 1 м3 мөлшердегі су шығындалатын есеппен), сосын оны пісіруге жібереді. көк шөптерді жәшіктерден шығарады да, оны конвейерге береді. конвейерде көк шөптер сортталады, сары және шіріген жапырақтары алынып тасталады және сабағының қатты бөлігі кесіліп алынады. сосын көк шөптерді үш қатарынан орнатылған жуу машиналарында жуады. жуылған көк шөптерді 5 мм артық емес өлшемде көк шөптерді кесетін машиналарда кеседі немесе қолмен пышақ арқылы турайды. кабачкиді жуу машинасынан шығарады. жуғаннан соң оларды қабығынан тазартады. тазаланған кабачкиді инспекциялайды және инспекциялық конвейерде олардың өзегін алып тастайды. сосын кабачкиді ұсақтайтын машинаңға бағыттайды, онда кабачкиді дөңгелек қалыңдығы 20 мм етәіп турайды. кесілген дөңгелектерді уату машинасына береді, онда кабачкиді 3-5 мм өлшемде ұсақтайды. уатылған массаны сораппен жылытқыш арқылы айдап, пісіруге жібереді. ақ капустаны инспекциялайды, ақауларын алып тастайды, сосын сыртқы ластанған және жасыл қабаттарынан тазартады және өзегін ойып алып тастайды. тазартылған капустаны екі жуу машинасында жуады, сосын 5 мм өлшемде көкөніс кесетін машиналарда турайды. туралған массаны инспекциялайды және ірі кесектері мен қалың жапырақтарынан тазартады. картопты құрғақ қоспаларынан (топырақ, құм және т.б.) тазартады және жуады, сосын бу-термиялық агрегатта қабығынан тазартады да, тағы жуады. картоптың қабығын тазалауды механикалық жолмен іске асыруға болады. онда кедір-бұдыр бетті машинаны пайдалынады. тазартылған картопты инспекциялайды және қолмен қайта тазалап, оны сумен жуады және ені 5-6 мм өлшемде бөліктерге кеседі.